پشتی چەند بزاڤان ژلایێ مامۆستایێ زانکۆیا زاخۆ ڕێزدار (م. مسعود حمید)ـی ڤە، ئەو شیایە لینکێ ڕێکخراوەکا جیهانییا ژینگەهـ پارێزی و خێرخوازی براوسەرێ "ECOSIA" بناڤێ زانکۆیا زاخۆ بەردەست بکەت.
پشتی ئامادەکرنا تیمەکێ، بۆ دەمێ چەند ڕۆژان کارکرن ل سەرانسەری زانکۆیێ دەستپێکر و د دەمەکێ کورت دا، هەمی براوسەرێن کومپیوتەرێن دیسک تۆپ، لاپتوت، موبایل یێن ستافێ زانکۆیێ هاتنە گوهارتن بۆ براوسەرێ ئیکۆسیا و ژ ئەڤرۆ وێڤەتر دێ لێگەریان ب ڕێکا لینکێ زانکۆیا زاخۆ https://ecosia.co/UOZ هێنە کرن و داهاتێ وێ دێ بۆ دارچاندنێ ل سەرانسەری جیهانێ هێتە مەزاختن، هەروەسا هەر هەیڤ ب ڕێکا ڕاپۆرتەکێ دێ لێگەریان و ئەو دارێن بناڤێ زانکۆیا زاخۆ دهێنە چاندن دێ هێنە بەڵاڤکرن.

ئیکۆسیا چیە؟
ئیکۆسیا وەکی هەر براوسەرەکێ ( گۆگل، بینگ، ئۆپێرا، مۆزیللا فایرفوکس) ئامیرەکێ لێگەریانێ یە، جیاوازیا وێ ئەوە کۆ هاتیە دامەزراندن وەك ڕێکخراوەكا ژینگەهـ پارێز و خێرخوازی، ئەو لێگەریانا مە یا ڕۆژانە یا ب ڕێکا (ئیکۆسیا) دێ داهاتەک بۆ ڕێکخراوێ چیت، ئەو دێ بۆ چاندنا داران ل سەرانسەری جیهانێ مەزێخن، ب تایبەت وەڵاتێن هەژارنشین و یێن ژینگەها وان پێدڤی ب کەسکاتیێ هەی.